அருள்மிகு பெத்தாரணசாமி, அருள்மிகு பெரியநாயகி அம்மன் திருக்கோவில் வரலாறு

திருவாரூர் மாவட்டம் திருவாரூர் வட்டம் தியானபுரம் அருள்மிகு பெத்தாரணசாமி அருள்மிகு பெரியநாயகி அம்மன் திருக்கோவில் அமைந்துள்ளது இக்கோவில் பல நூற்றாண்டுகளுக்கு முன் கட்டப்பட்ட பழமைவாய்ந்த கோவிலாகும். இத்திருக்கோவிலுக்கு அனைத்து இனத்தவர்களுக்கும் குலதெய்வமாக விளங்குகிறது.

குலதெய்வமாக வழிபடுவர்கள் நம் நாட்டின் மட்டுமல்லாது மலேசிய, சிங்கப்பூர் போன்ற வெளிநாடுகளிலும் உள்ளனர். இத்திருக்கோவிலில் வினாயகர், சிவன், சுப்பிரமணியர், தெய்வரங்கப்பெருமாள், ஆஞ்சநேயர், துர்கையம்மன், நவகிரகங்கள், சப்தகன்னிகள், அய்யனார், காமாட்சியம்மன், ராகவப்பெருமாள், உத்தண்டராயர், அக்னி முனீஸ்வரர், தூண்டில்காரன், மதுரைவீரன், பத்ரகாளி, வாகையடிமூர்த்தி, மற்றும் பல சுவாமிகளுக்கு தனித்தனி சன்னதிகள் உள்ளது. இத்திருக்கோவிலுக்கு சித்திரை, ஆடி, கார்த்திகை, தை மாதங்களில் திருவிழாக்கள் நடைபெறும்.

சித்திரை திருவிழா மிகவும் விமரிசையாக கொண்டாடப்படுகிறது. குத்துவிளக்குபூஜை, லட்ச்சாரனை, குருபெயர்ச்சி, சனிப்பெயர்ச்சி போன்ற சிறப்பு பூஜைகளும் நடைபெறும். இத்திருக்கோவிலுக்கு பரம்பரை அறங்காவலராக இருந்து வந்த P.G. சுப்பிரமணியபிள்ளை அவர்களுக்கு பிறகு அவரது சகோதரர் P.G. கோவிந்தசாமி பிள்ளை மகன் G. சந்திரசேகரன் (கண்ணன்) என்பவர் பரம்பரை அறங்காவலராக சிறப்பாக நிர்வாகம் செய்து வருகிறார்

கோவில் அமைந்துள்ள இடம்

இத்திருக்கோவில் திருவாரூர்க்கு புதிய பேருந்து நிலையத்திற்கு தென்புரம் 2 கி.மீ. தொலைவிலும் ரயில் நிலையத்திற்கு மேற்க்கே 2 கி.மீ. தொலைவிலும் மாவட்ட ஆட்சியரகத்துக்கு தென்கிழக்கே 2 கி.மீ. தொலைவிலும் விளமலில் இருந்து 1 கி.மீ. தொலைவிலும் உள்ளது.

கோவில் நிர்வாகம்

ஸ்ரீ பெத்தராண சுவாமி திருக்கோவிலுக்கு பரம்பரை அறங்காவலராக இருந்து வந்த P.G. சுப்ரமணியபிள்ளை காலமாகி விட்ட நிலையில் மேற்படி திருக்கோவிலுக்கு சட்டப்பிரிவு 54(1)ன் படி தஞ்சாவூர் இந்து சமய அறநிலையத்துறை இணை ஆணையர் செ.மு.ப.மு.எண் 11194/2009/E2 நாள் 27.07.2011ன் படி G. சந்திரசேகரன் (கண்ணன்) என்பவர் நிர்வாகத்தை நடத்தவும் சொத்துக்களை பாதுகாக்கவும் சட்டப்படி கடமைப்பட்டவர் ஆவார்.

திருப்பணிகள் பற்றிய விவரம்

பழைய கோவிலை புதுப்பித்து கும்பாபிஷேகம் செய்ய இருக்கிறார்கள். இத்திருப்பணி வேலை சுமார் 1 கோடி ரூபாய் மதிப்பில் செய்ய இருப்பதால் இத்திருப்பணிக்கு பக்தர்கள் அனைவரும் இயன்ற அளவு பொருளாகவோ, பணமாகவோ கொடுத்து திருப்பணி விரைந்து முடிக்கவும் மற்றும் கும்பாபிஷேகத்தை பூர்த்தி செய்து கொடுக்கும்படி மிகவும் தாழ்மையுடன் கேட்டுக்கொள்கிறோம்.

கோவில் பூஜை சம்பந்தமாக விவரம் பெறவும் மற்றும் திருக்கோவில் திருப்பணிக்கு நன்கொடை கொடுக்க விரும்பும் அன்பர்கள் கீழ்கண்ட முகவரியை அனுகவும்.

திருக்கோவில் திருப்பணிக்கு நன்கொடை தரும் அன்பர்கள் ரசீது கேட்டு பெற்றுக்கொள்ளவும். திருக்கோவில் சம்மந்தமாக அனைத்திற்கும் அணுக வேண்டிய முகவரி

G. கண்ணன் (எ) சந்திரசேகரன் பிள்ளை (பரம்பரை அறங்காவலர்),
ஸ்ரீ பெத்தரணசுவாமி கோவில்,
தியானபுரம், கலெக்ட்ரேட் அஞ்சல்,
திருவாரூர் - 610004
போன் : 04366 -226794
கைப்பேசி: 9486533128

மேலும் படிக்க...